dosh par bar-e-gham uThae hue
dosh par bār-e-ġham uThā.e hue
chal rahā huuñ qadam jamā.e hue
mujh ko merī anā ne maar diyā
jo bhī apne the sab parā.e hue
phir usī rahguzar pe baiThā huuñ
aarzū ke diye jalā.e hue
sāhiloñ par pahuñch ke Duub ga.e
the jo tūfāñ se bach ke aa.e hue
hasrateñ ḳhuun ho ga.iiñ 'manzar'
vo jo guzre nazar bachā.e hue
dosh par bar-e-gham uThae hue
chal raha hun qadam jamae hue
mujh ko meri ana ne mar diya
jo bhi apne the sab parae hue
phir usi rahguzar pe baiTha hun
aarzu ke diye jalae hue
sahilon par pahunch ke Dub gae
the jo tufan se bach ke aae hue
hasraten KHun ho gain 'manzar'
wo jo guzre nazar bachae hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
