dost apne hain log apne hain
dost apne haiñ log apne haiñ
jhuuT par jin ke hoñT kapne haiñ
ḳhush raheñge vo dost tum se bhī
sāmne un ke naam japne haiñ
ye adhikār aap kab deñge
kuchh hamāre bhī yaar sapne haiñ
likh rahe ho jo jhuuT kāġhaz par
kyā risāloñ meñ lekh chhapne haiñ
aur kuchh ḳhaak chhānñī hogī
piñDliyoñ meñ safar saḌapne haiñ
tum ko hairat nahīñ hai hairat hai
is zamāne meñ log apne haiñ
soch kundan banegī phir 'sājid'
zehan meñ kuchh vichār tapne haiñ
dost apne hain log apne hain
jhuT par jin ke honT kapne hain
KHush rahenge wo dost tum se bhi
samne un ke nam japne hain
ye adhikar aap kab denge
kuchh hamare bhi yar sapne hain
likh rahe ho jo jhuT kaghaz par
kya risalon mein lekh chhapne hain
aur kuchh KHak chhanni hogi
pinDliyon mein safar saDapne hain
tum ko hairat nahin hai hairat hai
is zamane mein log apne hain
soch kundan banegi phir 'sajid'
zehan mein kuchh wichaar tapne hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
