dost milte rahe manzil pe guzar hone tak

dost milte rahe manzil pe guzar hone tak

koī sāthī na rahā ḳhatm-e-safar hone tak

yā-ilāhī mujhe taufīq atā kar aisī

har burā.ī se bachūñ umr basar hone tak

ḳhaak hone se bachāyā na kisī ke ghar ko

dekhte rah ga.e sab nazr-e-sharar hone tak

giḌgiḌāo ki ḳhudā rahm pe maa.il ho jaa.e

māñgte jaao duāoñ meñ asar hone tak

aañkh nam-nāk dam-e-sard laboñ par 'nāzī'

kis tarah sabr karūñ ḳhūn-e-jigar hone tak

dost milte rahe manzil pe guzar hone tak

koi sathi na raha KHatm-e-safar hone tak

ya-ilahi mujhe taufiq ata kar aisi

har burai se bachun umr basar hone tak

KHak hone se bachaya na kisi ke ghar ko

dekhte rah gae sab nazr-e-sharar hone tak

giDgiDao ki KHuda rahm pe mail ho jae

mangte jao duaon mein asar hone tak

aankh nam-nak dam-e-sard labon par 'nazi'

kis tarah sabr karun KHun-e-jigar hone tak