dost ya dushman-e-jaan kuchh bhi tum ab ban jao

dost yā dushman-e-jāñ kuchh bhī tum ab ban jaao

jiine marne kā mire ik to sabab ban jaao

ho misāloñ meñ na jo husn ajab ban jaao

kis ne tum se ye kahā thā ki ġhazab ban jaao

aa baso dil kī tarah ghar meñ bhī ai ḳhush-ilhān

zindagī bhar ko mirā sāz-e-tarab ban jaao

rashk qismat pe mirī saare zamāne ko rahe

ham-safar tum jo liye apne ye chhab ban jaao

maiñ ne chāhā thā sar-e-sub.h javānī bhī yahī

tum hī sāñsoñ kī mahak dil kī talab ban jaao

kuchh to ehsās chhuTe dil se añdheroñ kā mire

ziist tārīk ko ik sham-e-shab ban jaao

dil meñ rakhtā huuñ mohabbat kā ḳhazāna jānāñ

chhoḌ kar saarā jahāñ merī hī ab ban jaao

zaat qurbat se hamesha hī munavvar chāhūñ

kab kahā us se ḳhalish raunaq-e-shab ban jaao

dost ya dushman-e-jaan kuchh bhi tum ab ban jao

jine marne ka mere ek to sabab ban jao

ho misalon mein na jo husn ajab ban jao

kis ne tum se ye kaha tha ki ghazab ban jao

aa baso dil ki tarah ghar mein bhi ai KHush-ilhan

zindagi bhar ko mera saz-e-tarab ban jao

rashk qismat pe meri sare zamane ko rahe

ham-safar tum jo liye apne ye chhab ban jao

main ne chaha tha sar-e-subh jawani bhi yahi

tum hi sanson ki mahak dil ki talab ban jao

kuchh to ehsas chhuTe dil se andheron ka mere

zist tarik ko ek sham-e-shab ban jao

dil mein rakhta hun mohabbat ka KHazana jaanan

chhoD kar sara jahan meri hi ab ban jao

zat qurbat se hamesha hi munawwar chahun

kab kaha us se KHalish raunaq-e-shab ban jao