دوستی کی جستجو ہے شہر میں
دوستی کی جستجو ہے شہر میں
ہم بھی موتی ڈھونڈتے ہیں نہر میں
غور سے دیکھا تو ہر خورشید چاند
طبع روشن کتنی کم ہے دہر میں
جب بھی چاہا چل پڑی ماضی کی فلم
ایسی قدرت یاد کی اک لہر میں
جانتے ہیں کچھ ہمیں انساں زدہ
فرق انساں اور خدا کے قہر میں
شدت احساس تھی انعام عشق
شہد اب شیریں نہ تلخی زہر میں
ریت پر تھے کس قدر نقش جمیل
ہو گئے سب جذب چڑھتی لہر میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
