dosto bargah-e-qatl sajate jao

dosto bārgah-e-qatl sajāte jaao

qarz hai rishta-e-jāñ qarz chukāte jaao

rahe ḳhāmosh to ye hoñT sulag uTheñge

sho.ala-e-fikr ko āvāz banāte jaao

apnī taqdīr meñ sahrā hai to sahrā hī sahī

ābla-pāo! na.e phuul khilāte jaao

zindagī sāya-e-dīvār nahīñ daar bhī hai

ziist ko ishq ke ādāb sikhāte jaao

be-zamīrī hai sar-afrāz to ġham kaisā hai

apnī tazlīl ko me.aar banāte jaao

ai mashīhāo agar chāragarī hai dushvār

ho sake tum se nayā zaḳhm lagāte jaao

kārvāñ azm kā roke se kahīñ ruktā hai

laakh tum raah meñ dīvār uThāte jaao

ek muddat kī rifāqat kā ho kuchh to in.aam

jaate jaate koī ilzām lagāte jaao

jin ko gahna diyā afkār kī parchhā.īñ ne

'mohsin' un chehroñ ko ā.īna dikhāte jaao

dosto bargah-e-qatl sajate jao

qarz hai rishta-e-jaan qarz chukate jao

rahe KHamosh to ye honT sulag uThenge

shoala-e-fikr ko aawaz banate jao

apni taqdir mein sahra hai to sahra hi sahi

aabla-pao! nae phul khilate jao

zindagi saya-e-diwar nahin dar bhi hai

zist ko ishq ke aadab sikhate jao

be-zamiri hai sar-afraaz to gham kaisa hai

apni tazlil ko mear banate jao

ai mashihao agar chaaragari hai dushwar

ho sake tum se naya zaKHm lagate jao

karwan azm ka roke se kahin rukta hai

lakh tum rah mein diwar uThate jao

ek muddat ki rifaqat ka ho kuchh to inam

jate jate koi ilzam lagate jao

jin ko gahna diya afkar ki parchhain ne

'mohsin' un chehron ko aaina dikhate jao