doston gul ka ye fasana hai

dostoñ gul kā ye fasānā hai

aaj Tuk suniyo kyā zamānā hai

mujh ko kahne lagā vo tanhā-gard

dostī tujh ko gar nibhānā hai

saat phir mat mire galī-ba-galī

tujh ko koī jānegā divānā hai

ye ravish ḳhuub na.iñ tirī nādāñ

ishq 'ālam ko kyā jatānā hai

mujh kamāñ-abrū saat jo aayā

tīr-e-mizhgāñ kā vo nishānā hai

maiñ kiyā arz ai karam-farmā

āshiqoñ ko ye kyā satānā hai

dekhnā terā har ghaḌī mujh ko

zindagī kā yahī bahānā hai

varna maiñ kab se mar chukā hotā

sirf ye kyā zabāñ pe laanā hai

sab samajh-būjh kar are zālim

aap hañsnā mujhe rulānā hai

tab vo ġhusse se shoḳh kahne lagā

ab maiñ jaanā ki tū divānā hai

vohīñ aaya zabāñ pe ye matla'

dil bhī kis taur kā siyānā hai

dostī tab hī kuchh nibhānā hai

baat kahne meñ ruuTh jaanā hai

doston gul ka ye fasana hai

aaj Tuk suniyo kya zamana hai

mujh ko kahne laga wo tanha-gard

dosti tujh ko gar nibhana hai

sat phir mat mere gali-ba-gali

tujh ko koi jaanega diwana hai

ye rawish KHub nain teri nadan

ishq 'alam ko kya jatana hai

mujh kaman-abru sat jo aaya

tir-e-mizhgan ka wo nishana hai

main kiya arz ai karam-farma

aashiqon ko ye kya satana hai

dekhna tera har ghaDi mujh ko

zindagi ka yahi bahana hai

warna main kab se mar chuka hota

sirf ye kya zaban pe lana hai

sab samajh-bujh kar are zalim

aap hansna mujhe rulana hai

tab wo ghusse se shoKH kahne laga

ab main jaana ki tu diwana hai

wohin aaya zaban pe ye matla'

dil bhi kis taur ka siyana hai

dosti tab hi kuchh nibhana hai

baat kahne mein ruTh jaana hai