doston ki ata hai KHamoshi
dostoñ kī atā hai ḳhāmoshī
ab mirā mudda.ā hai ḳhāmoshī
alam kī ibtidā hai hañgāma
alam kī intihā hai ḳhāmoshī
dard ke shahr meñ hai ghar merā
mere ghar kā patā hai ḳhāmoshī
is taraf maiñ huuñ us taraf vo haiñ
biich kā fāsla hai ḳhāmoshī
bhīgtī raat kī hathelī par
misl-e-rañg-e-hinā hai ḳhāmoshī
dosto ḳhud talak pahuñchne kā
muḳhtasar rāsta hai ḳhāmoshī
kaash samjheñ zabān vaale bhī
be zabāñ kī duā hai ḳhāmoshī
marne vaale ne ye kahā 'firdaus'
zindagī kā sila hai ḳhāmoshī
doston ki ata hai KHamoshi
ab mera muddaa hai KHamoshi
alam ki ibtida hai hangama
alam ki intiha hai KHamoshi
dard ke shahr mein hai ghar mera
mere ghar ka pata hai KHamoshi
is taraf main hun us taraf wo hain
bich ka fasla hai KHamoshi
bhigti raat ki hatheli par
misl-e-rang-e-hina hai KHamoshi
dosto KHud talak pahunchne ka
muKHtasar rasta hai KHamoshi
kash samjhen zaban wale bhi
be zaban ki dua hai KHamoshi
marne wale ne ye kaha 'firdaus'
zindagi ka sila hai KHamoshi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
