dua kaam aa gai hum jaan-nisaron gham ke maron ki

du'ā kaam aa ga.ī ham jāñ-nisāroñ ġham ke māroñ kī

ghaḌī dekho bas ab aane ko hai dil meñ bahāroñ kī

mirī jānib qadam uThte haiñ ye kis mehrbāñ-dil ke

sabā ḳhushbū liye aa.ī guloñ kī ābshāroñ kī

vo le kar titliyāñ dil meñ sitāroñ kī chamak le kar

jahāñ par chhā rahī hai jaise sūrat māh-pāroñ kī

dil-e-nādān sajde meñ girā hai ek 'arse se

tamanna diid kī le kar in āñkhoñ ke nazāroñ kī

mire mohsin mire ham-rāz tum se kyā chhupānā hai

mirī dhaḌkan na ruk jaa.e ḳhabar sun kar kināroñ kī

baḌā be-rahm thā tūfāñ tū kaise bach gayā 'ādil'

du'ā miltī rahī hai tujh ko shāyad rab ke pyāroñ kī

du'a kaam aa gai hum jaan-nisaron gham ke maron ki

ghaDi dekho bas ab aane ko hai dil mein bahaaron ki

meri jaanib qadam uThte hain ye kis mehrban-dil ke

saba KHushbu liye aai gulon ki aabshaaron ki

wo le kar titliyan dil mein sitaron ki chamak le kar

jahan par chha rahi hai jaise surat mah-paron ki

dil-e-nadan sajde mein gira hai ek 'arse se

tamanna did ki le kar in aankhon ke nazaron ki

mere mohsin mere ham-raaz tum se kya chhupana hai

meri dhaDkan na ruk jae KHabar sun kar kinaron ki

baDa be-rahm tha tufan tu kaise bach gaya 'adil'

du'a milti rahi hai tujh ko shayad rab ke pyaron ki