dua hamari kabhi ba-asar nahin hoti
duā hamārī kabhī bā-asar nahīñ hotī
tumhārī ham pe karam kī nazar nahīñ hotī
maiñ kyā batā.ūñ tire ġham meñ kyā guzartī hai
vo kaun lamha hai jab aañkh tar nahīñ hotī
ilāj-e-dard-e-mohabbat jo ho to kyuuñ kar ho
ilāhī koī davā kārgar nahīñ hotī
tire ḳhayāl meñ rahtā huuñ maiñ jo gum ai dost
mujhe zamāne kī kuchh bhī ḳhabar nahīñ hotī
ujālā kaise nazar aa.egā kahīñ tum ko
shab-e-firāq kī 'dānish' sahar nahīñ hotī
dua hamari kabhi ba-asar nahin hoti
tumhaari hum pe karam ki nazar nahin hoti
main kya bataun tere gham mein kya guzarti hai
wo kaun lamha hai jab aankh tar nahin hoti
ilaj-e-dard-e-mohabbat jo ho to kyun kar ho
ilahi koi dawa kargar nahin hoti
tere KHayal mein rahta hun main jo gum ai dost
mujhe zamane ki kuchh bhi KHabar nahin hoti
ujala kaise nazar aaega kahin tum ko
shab-e-firaq ki 'danish' sahar nahin hoti
- Book : Danish Kada (Pg. 59)
- Author : Danish Farahi
- Publication : Riyaz Ahmed Farahi, Ramleela Maidan, Saraimeer Azamgarh (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
