dua ne kaam kiya hai yaqin nahin aata

duā ne kaam kiyā hai yaqīñ nahīñ aatā

vo mere paas khaḌā hai yaqīñ nahīñ aatā

maiñ jis maqām par aa kar rukā huuñ shaam Dhale

vahīñ pe vo bhī rukā hai yaqīñ nahīñ aatā

vo jis kī aañkh meñ donoñ jahāñ dikhā.ī paḌeñ

vo mujh ko dekh rahā hai yaqīñ nahīñ aatā

jise sanam kabhī samjhā kabhī ḳhudā jaanā

vo aisā hosh-rubā hai yaqīñ nahīñ aatā

jo soz ban ke samāyā thā mere sheroñ meñ

vo saaz ban ke uThā hai yaqīñ nahīñ aatā

shagufta chehra aur is par tapāñ tapāñ aariz

koī anaar chhuTā hai yaqīñ nahīñ aatā

zahe nasīb ki lau de uThī hai tārīkī

sukūt bol paḌā hai yaqīñ nahīñ aatā

harīm-e-nāz ko dekho ki aaj pahlī baar

dar-e-niyāz khulā hai yaqīñ nahīñ aatā

ye kaise pichhle dinoñ chup sī lag ga.ī thī jise

phir aaj naġhma-sarā hai yaqīñ nahīñ aatā

dua ne kaam kiya hai yaqin nahin aata

wo mere pas khaDa hai yaqin nahin aata

main jis maqam par aa kar ruka hun sham Dhale

wahin pe wo bhi ruka hai yaqin nahin aata

wo jis ki aankh mein donon jahan dikhai paDen

wo mujh ko dekh raha hai yaqin nahin aata

jise sanam kabhi samjha kabhi KHuda jaana

wo aisa hosh-ruba hai yaqin nahin aata

jo soz ban ke samaya tha mere sheron mein

wo saz ban ke uTha hai yaqin nahin aata

shagufta chehra aur is par tapan tapan aariz

koi anar chhuTa hai yaqin nahin aata

zahe nasib ki lau de uThi hai tariki

sukut bol paDa hai yaqin nahin aata

harim-e-naz ko dekho ki aaj pahli bar

dar-e-niyaz khula hai yaqin nahin aata

ye kaise pichhle dinon chup si lag gai thi jise

phir aaj naghma-sara hai yaqin nahin aata