dua se kuchh na hua iltija se kuchh na hua

duā se kuchh na huā iltijā se kuchh na huā

butoñ ke ishq meñ yād-e-ḳhudā se kuchh na havā

maiñ ek kyā huuñ sabhī bā-vafā haiñ shākī-e-jaur

tum ek kyā ho kisī bevafā se kuchh na huā

bharī to thī magar apne asar ko lā na sakī

ga.ī to thī magar āh-e-rasā se kuchh na huā

vo aarzū huuñ ki jis aarzū kī kuchh na chalī

vo mudda.ā huuñ ki jis mudda.ā se kuchh na huā

yahī sahī ki ḳhushī se mile mile to sahī

yahī sahī ki hamārī duā se kuchh na huā

vo ek ham ki jo chāhā kiyā visāl kī raat

vo ek tum ki tumhārī hayā se kuchh na huā

unheñ bulā ke tasavvur meñ ham mile 'muztar'

havas to ho ga.ī puurī balā se kuchh na huā

dua se kuchh na hua iltija se kuchh na hua

buton ke ishq mein yaad-e-KHuda se kuchh na hawa

main ek kya hun sabhi ba-wafa hain shaki-e-jaur

tum ek kya ho kisi bewafa se kuchh na hua

bhari to thi magar apne asar ko la na saki

gai to thi magar aah-e-rasa se kuchh na hua

wo aarzu hun ki jis aarzu ki kuchh na chali

wo muddaa hun ki jis muddaa se kuchh na hua

yahi sahi ki KHushi se mile mile to sahi

yahi sahi ki hamari dua se kuchh na hua

wo ek hum ki jo chaha kiya visal ki raat

wo ek tum ki tumhaari haya se kuchh na hua

unhen bula ke tasawwur mein hum mile 'muztar'

hawas to ho gai puri bala se kuchh na hua