duaon ki zarurat hai dawa mein kuchh nahin rakkha
duāoñ kī zarūrat hai davā meñ kuchh nahīñ rakkhā
chachī meñ jaan baaqī hai chachā meñ kuchh nahīñ rakkhā
garebāñ ke baTan sar kā dupaTTa aañkh kā parda
tumhārī artificial hayā meñ kuchh nahīñ rakkhā
rabar ke dastaḳhat patthar ke afsar mom ke kāġhaz
jab andar se TaTolā nādirā meñ kuchh nahīñ rakkhā
jo tum parfum meñ Dupkī lagā kar roz aatī ho
fazā tum se mo.attar hai havā meñ kuchh nahīñ rakkhā
mohalle meñ unheñ kahte haiñ sab sharrunnisā-begam
to ye sābit huā ḳhairunnisā meñ kuchh nahīñ rakkhā
mrs. iqbāl paanī maañg ke piitī haiñ shauhar se
phir is ke ba.ad kahtī haiñ piyā meñ kuchh nahīñ rakkhā
mohabbat se jo ḳhālī ho vo dil be-kār hotā hai
ḳhalā meñ jā.iye bait-ul-ḳhalā meñ kuchh nahīñ rakkhā
vo make-up ke sahāre ban ga.ī filmoñ kī heroine
na ho nāz-o-adā to nāziya meñ kuchh nahīñ rakkhā
hamārī nasl ke ḳhālī kanastar ye batāte haiñ
talo meñ kuchh nahīñ hai DālDā meñ kuchh nahīñ rakkhā
to ye noToñ kī ḳhushbū kaun sī pocket se aa.ī hai
maiñ kaise maan luuñ band-e-qabā meñ kuchh nahīñ rakkhā
duaon ki zarurat hai dawa mein kuchh nahin rakkha
chachi mein jaan baqi hai chacha mein kuchh nahin rakkha
gareban ke baTan sar ka dupaTTa aankh ka parda
tumhaari artificial haya mein kuchh nahin rakkha
rabar ke dastaKHat patthar ke afsar mom ke kaghaz
jab andar se TaTola nadira mein kuchh nahin rakkha
jo tum parfum mein Dupki laga kar roz aati ho
faza tum se moattar hai hawa mein kuchh nahin rakkha
mohalle mein unhen kahte hain sab sharrunnisa-begam
to ye sabit hua KHairunnisa mein kuchh nahin rakkha
mrs iqbaal pani mang ke piti hain shauhar se
phir is ke baad kahti hain piya mein kuchh nahin rakkha
mohabbat se jo KHali ho wo dil be-kar hota hai
KHala mein jaiye bait-ul-KHala mein kuchh nahin rakkha
wo make-up ke sahaare ban gai filmon ki heroine
na ho naz-o-ada to naziya mein kuchh nahin rakkha
hamari nasl ke KHali kanastar ye batate hain
talo mein kuchh nahin hai DalDa mein kuchh nahin rakkha
to ye noTon ki KHushbu kaun si pocket se aai hai
main kaise man lun band-e-qaba mein kuchh nahin rakkha
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
