dui ka naqsh fana ho to lutf aa jae

duī kā naqsh fanā ho to lutf aa jaa.e

anā meñ rang-e-ġhinā ho to lutf aa jaa.e

hamāre jazb-e-darūñ ke liye dil-e-daurāñ

tamām mad.h-o-sanā ho to lutf aa jaa.e

umang sang rahe zindagī meñ rang rahe

zamāna dost banā ho to lutf aa jaa.e

shab-e-visāl ba-ro.ab-e-jamāl kāfir kā

anā meñ siina tanā ho to lutf aa jaa.e

milan kī shaam badan jaam kām-ras ho tamām

vo ruuTh kar jo manā ho to lutf aa jaa.e

ġhurūr-e-husn mire shoK-e-fitna-sāmāñ kā

fanā na ho jo fanā ho to lutf aa jaa.e

kaḌā safar hai kaḌī dhuup hai umangoñ kī

kahīñ jo saaya ghanā ho to lutf aa jaa.e

kisī bhī desh meñ dhartī ne ranj-o-ġham sah kar

jo koī viir janā ho to lutf aa jaa.e

ḳhirad kā ghor añdherā hai man kī chilman meñ

junūñ kā nuur chhanā ho to lutf aa jaa.e

junūñ-tarāz koī sher 'krishn' mohan kā

fusūn-e-rāz banā ho to lutf aa jaa.e

dui ka naqsh fana ho to lutf aa jae

ana mein rang-e-ghina ho to lutf aa jae

hamare jazb-e-darun ke liye dil-e-dauran

tamam madh-o-sana ho to lutf aa jae

umang sang rahe zindagi mein rang rahe

zamana dost bana ho to lutf aa jae

shab-e-visal ba-roab-e-jamal kafir ka

ana mein sina tana ho to lutf aa jae

milan ki sham badan jam kaam-ras ho tamam

wo ruTh kar jo mana ho to lutf aa jae

ghurur-e-husn mere shoK-e-fitna-saman ka

fana na ho jo fana ho to lutf aa jae

kaDa safar hai kaDi dhup hai umangon ki

kahin jo saya ghana ho to lutf aa jae

kisi bhi desh mein dharti ne ranj-o-gham sah kar

jo koi wir jana ho to lutf aa jae

KHirad ka ghor andhera hai man ki chilman mein

junun ka nur chhana ho to lutf aa jae

junun-taraaz koi sher 'krishn' mohan ka

fusun-e-raaz bana ho to lutf aa jae