dukh-dard zamane mein uThata hai bhala kaun

dukh-dard zamāne meñ uThātā hai bhalā kaun

karte haiñ sabhī va.ade nibhātā hai bhalā kaun

ik mere sivā tere liye raah meñ jānāñ

āñkhoñ ko sar-e-farsh bichhātā hai bhalā kaun

sab tolne baiThe haiñ tarāzū meñ kudūrat

andāza mohabbat kā lagātā hai bhalā kaun

bas mujh ko charāġhoñ kī bahut fikr hai varna

ab diip ujāloñ meñ jalātā hai bhalā kaun

sūraj ke ujāloñ kī murīdī meñ sabhī haiñ

sūraj se magar aañkh milātā hai bhalā kaun

ye shaiḳh bahut jald ga.e niiñd kī had meñ

to raat ko maiḳhāne meñ jaatā hai bhalā kaun

is peḌ ko kaaTo nahīñ rahne do zamīñ par

jalte hue sūraj se bachātā hai bhalā kaun

kaafī hai tumhāre liye bas itnī sī tardīd

har baat meñ ab Taañg phañsātā hai bhalā kaun

sab laabh uThāte haiñ chale jaate haiñ 'anvar'

ab ishq meñ nuqsān uThātā hai bhalā kaun

dukh-dard zamane mein uThata hai bhala kaun

karte hain sabhi wade nibhata hai bhala kaun

ek mere siwa tere liye rah mein jaanan

aankhon ko sar-e-farsh bichhata hai bhala kaun

sab tolne baiThe hain taraazu mein kudurat

andaza mohabbat ka lagata hai bhala kaun

bas mujh ko charaghon ki bahut fikr hai warna

ab dip ujalon mein jalata hai bhala kaun

suraj ke ujalon ki muridi mein sabhi hain

suraj se magar aankh milata hai bhala kaun

ye shaiKH bahut jald gae nind ki had mein

to raat ko maiKHane mein jata hai bhala kaun

is peD ko kaTo nahin rahne do zamin par

jalte hue suraj se bachata hai bhala kaun

kafi hai tumhaare liye bas itni si tardid

har baat mein ab Tang phansata hai bhala kaun

sab labh uThate hain chale jate hain 'anwar'

ab ishq mein nuqsan uThata hai bhala kaun