dukh ke aalam mein bhi bas ek sahaara dukh hai

dukh ke aalam meñ bhī bas ek sahārā dukh hai

ḳhush to bas yuuñ haiñ ke is baar tumhārā dukh hai

jiit kar laao to ḳhushiyoñ kā sabab bantā hai

haar jaao to mire yaar sitāra dukh hai

āsmāñ vāloñ ne us baar bhī dukh bhejā thā

āsmāñ vāloñ ne ab ke bhī utārā dukh hai

tere hāthoñ ne jo thāmā hai kisī aur kā haath

merī āñkhoñ ko yahī ek nazāra dukh hai

ghar kī ta.amīr ko bas ret mayassar ho jinheñ

aise logoñ ko ye dariyā kā kināra dukh hai

ham se inkār-e-mohabbat kā bhalā kab tak ho

us ke chehre pe ayaañ saaf hamārā dukh hai

aisī hālat meñ to mar jaate haiñ achchhe achchhe

ham ne jis haal meñ is baar guzārā dukh hai

ham ne is baar palaT kar nahīñ dekhā us ko

us ne is baar mirā naam pukārā dukh hai

donoñ ko ek hī zumre meñ rakhā hai 'irfān'

ham ne ḳhushiyāñ na sañvārī na sañvārā dukh hai

dukh ke aalam mein bhi bas ek sahaara dukh hai

KHush to bas yun hain ke is bar tumhaara dukh hai

jit kar lao to KHushiyon ka sabab banta hai

haar jao to mere yar sitara dukh hai

aasman walon ne us bar bhi dukh bheja tha

aasman walon ne ab ke bhi utara dukh hai

tere hathon ne jo thama hai kisi aur ka hath

meri aankhon ko yahi ek nazara dukh hai

ghar ki tamir ko bas ret mayassar ho jinhen

aise logon ko ye dariya ka kinara dukh hai

hum se inkar-e-mohabbat ka bhala kab tak ho

us ke chehre pe ayan saf hamara dukh hai

aisi haalat mein to mar jate hain achchhe achchhe

hum ne jis haal mein is bar guzara dukh hai

hum ne is bar palaT kar nahin dekha us ko

us ne is bar mera nam pukara dukh hai

donon ko ek hi zumre mein rakha hai 'irfan'

hum ne KHushiyan na sanwari na sanwara dukh hai