dukh mein lipTa hua satae badan

dukh meñ lipTā huā satā.e badan

maiñ pukārā chalūñ ki haa.e badan

ye badan apne saath le jaa.e

aur apnā vo chhoḌ jaa.e badan

pahle gūñdhā gayā ḳhamīr un kā

phir ḳhudā ne kahīñ banā.e badan

ruuh parvāz kar ga.ī merī

aur kahtī rahī ki haa.e badan

ik parinda kisī kī hijrat kā

noch kar le gayā qabā-e-badan

terī ulfat kī dāstāñ ham ko

aa ke ik roz to sunā.e badan

muskurā.ūñ maiñ us kī hālat par

merī hālat pe muskurā.e badan

dukh mein lipTa hua satae badan

main pukara chalun ki hae badan

ye badan apne sath le jae

aur apna wo chhoD jae badan

pahle gundha gaya KHamir un ka

phir KHuda ne kahin banae badan

ruh parwaz kar gai meri

aur kahti rahi ki hae badan

ek parinda kisi ki hijrat ka

noch kar le gaya qaba-e-badan

teri ulfat ki dastan hum ko

aa ke ek roz to sunae badan

muskuraun main us ki haalat par

meri haalat pe muskurae badan