dukh to bahut mile hain mohabbat nahin mili

dukh to bahut mile haiñ mohabbat nahīñ milī

ya.anī ki jism mil gayā aurat nahīñ milī

mujh ko pitā kī aañkh ke aañsū to mil ga.e

mujh ko pitā se zabt kī aadat nahīñ milī

vo saare bad-nasīb kahīñ naukrī pe haiñ

jin ko bhī ḳhud-kushī kī suhūlat nahīñ milī

dariyā meñ Duube log samandar kī pyaas the

dariyā ko laash mil ga.ī lazzat nahīñ milī

dukh to bahut mile hain mohabbat nahin mili

yani ki jism mil gaya aurat nahin mili

mujh ko pita ki aankh ke aansu to mil gae

mujh ko pita se zabt ki aadat nahin mili

wo sare bad-nasib kahin naukri pe hain

jin ko bhi KHud-kushi ki suhulat nahin mili

dariya mein Dube log samandar ki pyas the

dariya ko lash mil gai lazzat nahin mili