dukha de dil jo kisi ka wo rag mat rakhna

dukhā de dil jo kisī kā vo raag mat rakhnā

jalā de ghar jo kisī kā vo aag mat rakhnā

tumheñ hī kar de khaḌā kaTghare meñ le jā kar

kabhī kisī ke liye vo surāġh mat rakhnā

tamām 'umr mohabbat meñ apne dāman se

miTā sako na jahāñ meñ vo daaġh mat rakhnā

sadā sañbhāl ke rakhnā nigāh meñ apnī

havā ke vāste jaltā charāġh mat rakhnā

dukha de dil jo kisi ka wo rag mat rakhna

jala de ghar jo kisi ka wo aag mat rakhna

tumhein hi kar de khaDa kaTghare mein le ja kar

kabhi kisi ke liye wo suragh mat rakhna

tamam 'umr mohabbat mein apne daman se

miTa sako na jahan mein wo dagh mat rakhna

sada sanbhaal ke rakhna nigah mein apni

hawa ke waste jalta charagh mat rakhna