دکھانا مرے دل کا اچھا نہ تھا
دکھانا مرے دل کا اچھا نہ تھا
تمہیں یہ کسی طرح زیبا نہ تھا
قیامت تھی میرے لئے زندگی
ترے غم کا جب تک سہارا نہ تھا
غم زندگی سامنے آ گیا
ابھی ہم نے دنیا کو دیکھا نہ تھا
سناتے کسے آہ روداد دل
تری بزم میں کوئی اپنا نہ تھا
نا آیا ترے آبلہ پا کو راس
وہ جادہ جہاں کوئی کانٹا نہ تھا
وہ نظریں بھی شارق بدل جائیں گی
یہ ہم نے کبھی آہ سوچا نہ تھا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
