dukhe dilon pe jo paD jae wo tabib nazar

dukhe diloñ pe jo paḌ jaa.e vo tabīb nazar

to bāġh-e-dil meñ bhī aa jaa.eñ andalīb nazar

har ek sub.h vazū kartī haiñ mirī āñkheñ

ki shāyad aaj to aa jaa.e vo habīb nazar

isī tarah se rah-e-yār ko take jaanā

had-e-nazar ko girā degī an-qarīb nazar

tū intizār se chhuT kar hai ḳhush magar mujh ko

ghaḌī judā.ī kī aane lagī qarīb nazar

bujhā do sham-e-mohabbat jalā do gulshan-e-ishq

Darā sakegī na āshiq ko ye muhīb nazar

jamāl-o-husn ke qaa.el haiñ us ke sab 'ajmal'

bas ek tum hī yahāñ rakhte ho ajiib nazar

dukhe dilon pe jo paD jae wo tabib nazar

to bagh-e-dil mein bhi aa jaen andalib nazar

har ek subh wazu karti hain meri aankhen

ki shayad aaj to aa jae wo habib nazar

isi tarah se rah-e-yar ko take jaana

had-e-nazar ko gira degi an-qarib nazar

tu intizar se chhuT kar hai KHush magar mujh ko

ghaDi judai ki aane lagi qarib nazar

bujha do sham-e-mohabbat jala do gulshan-e-ishq

Dara sakegi na aashiq ko ye muhib nazar

jamal-o-husn ke qael hain us ke sab 'ajmal'

bas ek tum hi yahan rakhte ho ajib nazar