dukhon ke phul to hain zaKHm to hai dagh to hai
dukhoñ ke phuul to haiñ zaḳhm to hai daaġh to hai
harā-bharā mire siine meñ koī baaġh to hai
nahīñ hai vasl magar ḳhvāb-e-vasl bhī hai bahut
zarā sī der ġham-e-hijr se farāġh to hai
bahut ujāḌe sahī umr kī sarā.e magar
shikasta taaq meñ ik yaad kā charāġh to hai
maiñ tishnagī kā gilā kyā karūñ ki sūrat-e-dil
lahū kī mai se chhalaktā huā ayāġh to hai
tū kho gayā hai mire shahr-e-raftagāñ lekin
ye ek dard kī ḳhushbū tirā surāġh to hai
dukhon ke phul to hain zaKHm to hai dagh to hai
hara-bhara mere sine mein koi bagh to hai
nahin hai wasl magar KHwab-e-wasl bhi hai bahut
zara si der gham-e-hijr se faragh to hai
bahut ujaDe sahi umr ki sarae magar
shikasta taq mein ek yaad ka charagh to hai
main tishnagi ka gila kya karun ki surat-e-dil
lahu ki mai se chhalakta hua ayagh to hai
tu kho gaya hai mere shahr-e-raftagan lekin
ye ek dard ki KHushbu tera suragh to hai
- Book : Kitab-e-Rafta (Pg. 204)
- Author : Firasat Rizvi
- Publication : Academy Bazyaft, Karachi Pakistan Lahore (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
