dukhti hai ruh panw ko lachaar dekh kar
dukhtī hai ruuh paañv ko lāchār dekh kar
ruk jā.eñge kahīñ koī dīvār dekh kar
subkī na ho kahīñ taraf-e-yār dekh kar
āñkheñ uThā.iye bhī to dastār dekh kar
niklo jo ban-sañvar ke to bāzār dekh kar
māñgeñ haiñ mol shakl-e-ḳharīdār dekh kar
kahnā to bas yahī hai ki chāheñ haiñ ham tujhe
ghabrā.iyo na baat kā bistār dekh kar
sustā.e hai irāda tasāhul ke rū-ba-rū
dukhte haiñ paañv sāya-e-dīvār dekh kar
apnoñ se muñh chhupā.e phire hai ik aadmī
jebeñ TaTol ke kabhī bāzār dekh kar
mārūñ huuñ hāth-pāoñ bahut 'ashk' ḳhud ko maiñ
apne hī bāzuoñ meñ giraftār dekh kar
dukhti hai ruh panw ko lachaar dekh kar
ruk jaenge kahin koi diwar dekh kar
subki na ho kahin taraf-e-yar dekh kar
aankhen uThaiye bhi to dastar dekh kar
niklo jo ban-sanwar ke to bazar dekh kar
mangen hain mol shakl-e-KHaridar dekh kar
kahna to bas yahi hai ki chahen hain hum tujhe
ghabraiyo na baat ka bistar dekh kar
sustae hai irada tasahul ke ru-ba-ru
dukhte hain panw saya-e-diwar dekh kar
apnon se munh chhupae phire hai ek aadmi
jeben TaTol ke kabhi bazar dekh kar
marun hun hath-paon bahut 'ashk' KHud ko main
apne hi bazuon mein giraftar dekh kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
