duniya-e-hast-o-bud se aage ki baat kar

duniyā-e-hast-o-būd se aage kī baat kar

ai ruuh ab vajūd se aage kī baat kar

mujh ko kitāb-e-kun kā har ik baab hifz hai

tū aa'd aur samūd se aage kī baat kar

mujh ko farāz-e-ishq batā vā.iz-e-azīz

ab zohd se sujūd se aage kī baat kar

is daur meñ shahīd ke vāris ko maal de

phir shāhid-o-shuhūd se aage kī baat kar

lab khol ilm-o-fan ke ḳhazāne luTā faqīr

is multajī numūd se aage kī baat kar

'ehrām' zindagī kā bharosa nahīñ koī

kuchh to ziyān-o-sūd se aage kī baat kar

duniya-e-hast-o-bud se aage ki baat kar

ai ruh ab wajud se aage ki baat kar

mujh ko kitab-e-kun ka har ek bab hifz hai

tu aa'd aur samud se aage ki baat kar

mujh ko faraaz-e-ishq bata waiz-e-aziz

ab zohd se sujud se aage ki baat kar

is daur mein shahid ke waris ko mal de

phir shahid-o-shuhud se aage ki baat kar

lab khol ilm-o-fan ke KHazane luTa faqir

is multaji numud se aage ki baat kar

'ehram' zindagi ka bharosa nahin koi

kuchh to ziyan-o-sud se aage ki baat kar