duniya-e-husn-o-ishq ka ulTa hisab hai

duniyā-e-husn-o-ishq kā ulTā hisāb hai

nā-kāmyāb hai jo yahāñ kāmyāb hai

ahl-e-vafā pe roz-e-azal se itaab hai

duniyā ḳharāb hai na zamāna ḳharāb hai

rū-e-hasīñ pe un ke jalāl-o-jamāl kī

ik aur hai naqāb jo zer-e-naqāb hai

itnī bhī duur rahne kī koshish na kījiye

is ijtināb kā to mohabbat javāb hai

jis ke varaq varaq pe hai tafsīr-e-kā.enāt

ye zindagī ik aisī mukammal kitāb hai

ab dil meñ yād-e-māzī-e-marhūm bhī nahīñ

kitnā hasīñ fareb nayā inqalāb hai

'yaktā' ġhazal meñ jazba-e-bedār chāhiye

insān kā zamīr abhī mahv-e-ḳhvāb hai

duniya-e-husn-o-ishq ka ulTa hisab hai

na-kaamyab hai jo yahan kaamyab hai

ahl-e-wafa pe roz-e-azal se itab hai

duniya KHarab hai na zamana KHarab hai

ru-e-hasin pe un ke jalal-o-jamal ki

ek aur hai naqab jo zer-e-naqab hai

itni bhi dur rahne ki koshish na kijiye

is ijtinab ka to mohabbat jawab hai

jis ke waraq waraq pe hai tafsir-e-kaenat

ye zindagi ek aisi mukammal kitab hai

ab dil mein yaad-e-mazi-e-marhum bhi nahin

kitna hasin fareb naya inqalab hai

'yakta' ghazal mein jazba-e-bedar chahiye

insan ka zamir abhi mahw-e-KHwab hai