duniya hai ahl-e-ishq ko sab se buri jagah

duniyā hai ahl-e-'ishq ko sab se burī jagah

DhūñDheñ ḳhudā ke vāste koī na.ī jagah

thā ik hasīñ gunāh usī kī sazā ke taur

ābād kī ga.ī hai ye bekār sī jagah

kyā kah ke us ne dil se nikālā hai haa.e haa.e

ab kyā tamām 'umr rahoge isī jagah

māhauliyāt kā ye tavāzun hai kul mazāq

insāñ kahīñ kahīñ haiñ darinde sabhī jagah

chup-chāp yūñhī nār-e-havas meñ paḌe raho

hogī na is bahisht se achchhī koī jagah

ab mere ai’takāf pe vo bhī haiñ mo'tariz

aa jā chuke haiñ ḳhud jo har achchhī burī jagah

ik dūsre se dil to hamāre bhare nahīñ

duniyā ne ab bhī gher rakhī hai baḌī jagah

duniya hai ahl-e-'ishq ko sab se buri jagah

DhunDhen KHuda ke waste koi nai jagah

tha ek hasin gunah usi ki saza ke taur

aabaad ki gai hai ye bekar si jagah

kya kah ke us ne dil se nikala hai hae hae

ab kya tamam 'umr rahoge isi jagah

mahauliyat ka ye tawazun hai kul mazaq

insan kahin kahin hain darinde sabhi jagah

chup-chap yunhi nar-e-hawas mein paDe raho

hogi na is bahisht se achchhi koi jagah

ab mere ai’takaf pe wo bhi hain mo'tariz

aa ja chuke hain KHud jo har achchhi buri jagah

ek dusre se dil to hamare bhare nahin

duniya ne ab bhi gher rakhi hai baDi jagah