duniya ka chalan tark kiya bhi nahin jata
duniyā kā chalan tark kiyā bhī nahīñ jaatā
is jāda-e-bātil se phirā bhī nahīñ jaatā
zindān-e-musībat se koī nikle to kyūñkar
rusvā sar-e-bāzār huā bhī nahīñ jaatā
dil bād-e-fanā bhī hai girāñ-bār-e-amānat
duniyā se subuk-dosh uThā bhī nahīñ jaatā
kyuuñ aane lage shāhid-e-ismat sar-e-bāzār
kyā ḳhaak ke parde meñ chhupā bhī nahīñ jaatā
ik ma.ani-e-be-lafz hai andesha-e-fardā
jaise ḳhat-e-qismat ki paḌhā bhī nahīñ jaatā
duniya ka chalan tark kiya bhi nahin jata
is jada-e-baatil se phira bhi nahin jata
zindan-e-musibat se koi nikle to kyunkar
ruswa sar-e-bazar hua bhi nahin jata
dil baad-e-fana bhi hai giran-bar-e-amanat
duniya se subuk-dosh uTha bhi nahin jata
kyun aane lage shahid-e-ismat sar-e-bazar
kya KHak ke parde mein chhupa bhi nahin jata
ek mani-e-be-lafz hai andesha-e-farda
jaise KHat-e-qismat ki paDha bhi nahin jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
