duniya ki har sharab se behtar teri sharab

duniyā kī har sharāb se behtar tirī sharāb

piite haiñ tere yaar barābar tirī sharāb

is mai-kade ke kyā kahīñ zāhid bhī rind haiñ

kis shaan se vo piite haiñ khul kar tirī sharāb

aise buzurg bhī mile jin kī nashist meñ

mauzū-e-guftugū rahī aksar tirī sharāb

har shaḳhs meñ hai quvvat-e-bardāsht hī kahāñ

har shaḳhs ko kahāñ hai mayassar tirī sharāb

mai-ḳhāna terā rindoñ se ḳhālī jo ho gayā

ḳhud hī bapā karā.eñgī mahshar tirī sharāb

mai-ḳhvār jo bhī haiñ tire un ko ba-roz-e-hashr

bāTeñge ḳhud hī sāqī-e-kausar tirī sharāb

nashsha utar na paa.e phir us kā tamām umr

pī le jo ek ghūñT bhī 'aḳhtar' tirī sharāb

duniya ki har sharab se behtar teri sharab

pite hain tere yar barabar teri sharab

is mai-kade ke kya kahin zahid bhi rind hain

kis shan se wo pite hain khul kar teri sharab

aise buzurg bhi mile jin ki nashist mein

mauzu-e-guftugu rahi aksar teri sharab

har shaKHs mein hai quwwat-e-bardasht hi kahan

har shaKHs ko kahan hai mayassar teri sharab

mai-KHana tera rindon se KHali jo ho gaya

KHud hi bapa karaengi mahshar teri sharab

mai-KHwar jo bhi hain tere un ko ba-roz-e-hashr

baTenge KHud hi saqi-e-kausar teri sharab

nashsha utar na pae phir us ka tamam umr

pi le jo ek ghunT bhi 'aKHtar' teri sharab