duniya mein kuchh apne hain kuchh begane alfaz

duniyā meñ kuchh apne haiñ kuchh begāne alfāz

kis ko itnī fursat hai jo pahchāne alfāz

reg-e-alāmat meñ bhī jal kar pā na sake mafhūm

sahrā-e-ma.anī meñ bhī bhaTke anjāne alfāz

dasht-e-azal se dasht-e-abad tak chhān chukā meñ ḳhaak

aur kahāñ le jā.eñge ab bhaTkāne alfāz

be-ma.anī māhaul meñ rah kar zehn huā mā.ūf

mujh ko bhī pāgal kar deñge dīvāne alfāz

aksar aadhī raat meñ le kar kuchh pathrīle ḳhvāb

shīsha-e-zehn se aa jaate haiñ Takrāne alfāz

sher-o-suḳhan ke mai-ḳhāne kā maiñ huuñ ik mai-ḳhvār

mere liye baada hai taḳhayyul paimāne alfāz

'kaif' kabhī ik sher meñ Dhalnā hotā hai dushvār

aur kabhī ḳhud ban jaate haiñ afsāne alfāz

duniya mein kuchh apne hain kuchh begane alfaz

kis ko itni fursat hai jo pahchane alfaz

reg-e-alamat mein bhi jal kar pa na sake mafhum

sahra-e-mani mein bhi bhaTke anjaane alfaz

dasht-e-azal se dasht-e-abad tak chhan chuka mein KHak

aur kahan le jaenge ab bhaTkane alfaz

be-mani mahaul mein rah kar zehn hua mauf

mujh ko bhi pagal kar denge diwane alfaz

aksar aadhi raat mein le kar kuchh pathrile KHwab

shisha-e-zehn se aa jate hain Takrane alfaz

sher-o-suKHan ke mai-KHane ka main hun ek mai-KHwar

mere liye baada hai taKHayyul paimane alfaz

'kaif' kabhi ek sher mein Dhalna hota hai dushwar

aur kabhi KHud ban jate hain afsane alfaz