duniya mein wahi kuchh hai meri kar-guzari

duniyā meñ vahī kuchh hai mirī kār-guzārī

jo 'umr sar-e-kūcha-e-dildār guzārī

ham ko bhī sharaf baḳhsh kabhī dar-ba-darī kā

us aañkh se ye 'arz ka.ī baar guzārī

dil vaar diyā us ke dar-o-bām pe maiñ ne

jaañ nazr sar-e-sāya-e-dīvār guzārī

aaj us se mile haiñ to ye mahsūs huā hai

jitnī bhī guzārī hai vo bekār guzārī

ḳhud hī se kabhī haar kabhī jiit gayā maiñ

ḳhud hī se sadā barsar-e-paikār guzārī

har aan maiñ masrūf-e-mohabbat rahā lekin

likkhī hī nahīñ us ne mirī kār-guzārī

is dil kī zamīñ sair-gah-e-'ishq hai aisī

tā'tīl yahāñ us ne ka.ī baar guzārī

duniya mein wahi kuchh hai meri kar-guzari

jo 'umr sar-e-kucha-e-dildar guzari

hum ko bhi sharaf baKHsh kabhi dar-ba-dari ka

us aankh se ye 'arz kai bar guzari

dil war diya us ke dar-o-baam pe main ne

jaan nazr sar-e-saya-e-diwar guzari

aaj us se mile hain to ye mahsus hua hai

jitni bhi guzari hai wo bekar guzari

KHud hi se kabhi haar kabhi jit gaya main

KHud hi se sada barsar-e-paikar guzari

har aan main masruf-e-mohabbat raha lekin

likkhi hi nahin us ne meri kar-guzari

is dil ki zamin sair-gah-e-'ishq hai aisi

ta'til yahan us ne kai bar guzari