duniya mein wahi log bure hain jo bhale hain

duniyā meñ vahī log bure haiñ jo bhale haiñ

DhūñDoge añdhere to charāġhoñ ke tale haiñ

chhoḌā na gayā dhuup meñ jis peḌ kā saayā

āñdhī meñ usī peḌ se ham bach ke chale haiñ

ye dekhiye phir bhī na badal paa.ī ye duniyā

logoñ ne to bhūloñ pe bahut haath male haiñ

vo bhī to hameñ chhoḌ ke ruḳhsat hue kab ke

ham jin ke añdheroñ meñ charāġhoñ se jale haiñ

ūñchā.iyāñ hāsil huiiñ taqdīr se jin ko

ik roz vo sab log bhī sūraj se Dhale haiñ

taqdīr ne un ko bhī sitāroñ pe biThāyā

'parvāz' jo insān ġharībī meñ pale haiñ

duniya mein wahi log bure hain jo bhale hain

DhunDoge andhere to charaghon ke tale hain

chhoDa na gaya dhup mein jis peD ka saya

aandhi mein usi peD se hum bach ke chale hain

ye dekhiye phir bhi na badal pai ye duniya

logon ne to bhulon pe bahut hath male hain

wo bhi to hamein chhoD ke ruKHsat hue kab ke

hum jin ke andheron mein charaghon se jale hain

unchaiyan hasil huin taqdir se jin ko

ek roz wo sab log bhi suraj se Dhale hain

taqdir ne un ko bhi sitaron pe biThaya

'parwaz' jo insan gharibi mein pale hain