duniya se hue baiThe ho ru-posh ai jaana

duniyā se hue baiThe ho rū-posh ai jaanā

jalva bhī sar-e-ām hai pur-josh ai jaanā

din dasht meñ achchhe se guzar jaatā hai aksar

jab aatā hai yaad ālam-e-āġhosh ai jaanā

ye log shab-e-hijr bilakhte the jo behad

mahshar se guzar aa.e hai ḳhāmosh ai jaanā

kal raat to tum bhī the hameñ yaad ba-tartīb

aaj uTThe haiñ ḳhud se hī farāmosh ai jaanā

chhilte the badan jin ke havāoñ se vahī gul

bulbul ke haiñ sab qatl pe ḳhāmosh ai jaanā

kāñToñ se bhare haiñ dar-o-dīvār-o-darīche

itne ki sabā bhī hai lahū-posh ai jaanā

duniya se hue baiThe ho ru-posh ai jaana

jalwa bhi sar-e-am hai pur-josh ai jaana

din dasht mein achchhe se guzar jata hai aksar

jab aata hai yaad aalam-e-aghosh ai jaana

ye log shab-e-hijr bilakhte the jo behad

mahshar se guzar aae hai KHamosh ai jaana

kal raat to tum bhi the hamein yaad ba-tartib

aaj uTThe hain KHud se hi faramosh ai jaana

chhilte the badan jin ke hawaon se wahi gul

bulbul ke hain sab qatl pe KHamosh ai jaana

kanTon se bhare hain dar-o-diwar-o-dariche

itne ki saba bhi hai lahu-posh ai jaana