دنیا سے کبھی ہم کو نبھانا نہیں آیا

دنیا سے کبھی ہم کو نبھانا نہیں آیا

پھر ہم سے نبھانے کو زمانہ نہیں آیا

خود سے کیا وعدہ بھی نبھانا نہیں آیا

آنا ہی نہ تھا ہم کو نہ آنا نہیں آیا

کیوں رکھتے ہو امید منا لیں گے تمہیں ہم

ہم سے تو کبھی خود کو منانا نہیں آیا

سنتے ہیں کہ ہر شخص کو ملتی ہے محبت

حصے میں ہمارے یہ خزانہ نہیں آیا

وہ دور بھی گزرا ہے جہاں رک سی گئی تھی

پھر خود سے ہی ملنے کا زمانہ نہیں آیا

ان کو یہ بتانا تھا ہمیں پیار نہیں ہے

ملنے پہ وہی ہم کو بتانا نہیں آیا

بازار سی رونق تو بنا لی تھی پہ ان کو

گھر پیار محبت سے سجانا نہیں آیا