دنیا تو خار زار ہے دامن بچا کے چل

دنیا تو خار زار ہے دامن بچا کے چل

یہ تجھ کو اختیار ہے دامن بچا کے چل

دور خزاں میں کیا جو ترا دل چرا سکے

گمراہ کن بہار ہے دامن بچا کے چل

مت بھول دل فریب سیہ گیسوؤں کا بل

اک آستیں کا مار ہے دامن بچا کے چل

اس کو بھی تجھ سے پیار ہے یہ آزما کے دیکھ

تو جس پہ یوں نثار ہے دامن بچا کے چل

رفتار وقت سے نہ قدم جو ملا سکا

اکثر وہ اشک بار ہے دامن بچا کے چل

سوداگری دلوں کی تو سب سے بڑا گنہ

دل ایک شاہکار ہے دامن بچا کے چل

انورؔ نہ عشق چال جو ہر روز چل سکو

ہوتا یہ ایک بار ہے دامن بچا کے چل