durust hai ki mera haal ab zubun bhi nahin

durust hai ki mirā haal ab zubūñ bhī nahīñ

maqām-e-sajda ki ye jaam sar-nigūñ bhī nahīñ

nahīñ ki shorish-e-bazm-e-tarab fuzūñ bhī nahīñ

dalīl-e-shorish-e-jāñ ik charāġh-e-ḳhūñ bhī nahīñ

hadīs-e-shauq abhī muḳhtasar hai chup rahiye

abhī bahār kā kyā ġham abhī junūñ bhī nahīñ

abhī to tāq-e-haram meñ jalā.iye sham.eñ

abhī harīf-e-sanam jazb-e-andarūñ bhī nahīñ

abhī ye gumbad-e-sar phoḌne kī kiije fikr

ki sadd-e-rāh abhī charḳh nīlgūñ bhī nahīñ

abhī to gard-e-rah-e-āstāñ se saaz kareñ

faroġh-e-dīda koī paikar-e-fusūñ bhī nahīñ

hai is qadar ki nigah bām-o-dar pe phirtī hai

magar diloñ ko jo taḌpā.e vo sukūñ bhī nahīñ

durust hai ki mera haal ab zubun bhi nahin

maqam-e-sajda ki ye jam sar-nigun bhi nahin

nahin ki shorish-e-bazm-e-tarab fuzun bhi nahin

dalil-e-shorish-e-jaan ek charagh-e-KHun bhi nahin

hadis-e-shauq abhi muKHtasar hai chup rahiye

abhi bahaar ka kya gham abhi junun bhi nahin

abhi to taq-e-haram mein jalaiye shamen

abhi harif-e-sanam jazb-e-andarun bhi nahin

abhi ye gumbad-e-sar phoDne ki kije fikr

ki sadd-e-rah abhi charKH nilgun bhi nahin

abhi to gard-e-rah-e-astan se saz karen

farogh-e-dida koi paikar-e-fusun bhi nahin

hai is qadar ki nigah baam-o-dar pe phirti hai

magar dilon ko jo taDpae wo sukun bhi nahin