dushman-e-jaan hai tishna-e-KHun hai

dushman-e-jāñ hai tishna-e-ḳhūñ hai

shoḳh hai baañk hai nikat bhuuñ hai

tujh kuuñ lailā bhī dekh majnūñ hai

dil-rubāoñ kā dil-rubā tuuñ hai

dil ke chhilne kuuñ ye laTak chalnā

sehr hai ToTkā hai afsūñ hai

ḳhāl-e-mushkīñ hai laal lab-hā par

yā mai-e-surḳh biich afyūñ hai

aan hai dard ke za.īfāñ par

aah dil kī alif hai qad nuuñ hai

darguzar kar raqīb siiñ ai dil

be-hayā hai rijālā hai duuñ hai

dard-e-sar kā ilaaj kyuuñ na kare

yaar kā rañg sandalī-gūñ hai

shaiḳh ḳhirqe meñ jab murāqib ho

gurba miskīn hai mirī juuñ hai

gar vafādār-kush nahīñ vo shoḳh

'ābrū' saath dushmanī kyuuñ hai

dushman-e-jaan hai tishna-e-KHun hai

shoKH hai bank hai nikat bhun hai

tujh kun laila bhi dekh majnun hai

dil-rubaon ka dil-ruba tun hai

dil ke chhilne kun ye laTak chalna

sehr hai ToTka hai afsun hai

KHal-e-mushkin hai lal lab-ha par

ya mai-e-surKH bich afyun hai

aan hai dard ke zaifan par

aah dil ki alif hai qad nun hai

darguzar kar raqib sin ai dil

be-haya hai rijala hai dun hai

dard-e-sar ka ilaj kyun na kare

yar ka rang sandali-gun hai

shaiKH KHirqe mein jab muraqib ho

gurba miskin hai meri jun hai

gar wafadar-kush nahin wo shoKH

'abru' sath dushmani kyun hai