dushman ki malamat bala hai

dushman kī malāmat balā hai

ye mom kā saañp kāTtā hai

vasvās-e-hisāb-e-hashr kyā hai

gumnāmoñ ko kaun pūchhtā hai

aalam mushtāq diid kā hai

vo but na dikhā.e muñh ḳhudā hai

vo sīm-badan magar ḳhafā hai

sonā jo harām ho gayā hai

sar-tā-pā huuñ ba-rañg-e-tasvīr

kyā zo.af kā rañg jam gayā hai

qashqa khiñchā hai abrūoñ meñ

do nīmche ek par tulā hai

mahfūz uftādgī ne rakkhā

ta.avīz meñ naqsh-e-boriyā hai

gardish se milī mujhe sa.ādat

har aabla baiza-e-humā hai

jhaḌte haiñ phuul muñh se ai gul

bātoñ kā jhaaḌ motiyā hai

dushman ki malamat bala hai

ye mom ka sanp kaTta hai

waswas-e-hisab-e-hashr kya hai

gumnamon ko kaun puchhta hai

aalam mushtaq did ka hai

wo but na dikhae munh KHuda hai

wo sim-badan magar KHafa hai

sona jo haram ho gaya hai

sar-ta-pa hun ba-rang-e-taswir

kya zoaf ka rang jam gaya hai

qashqa khincha hai abruon mein

do nimche ek par tula hai

mahfuz uftadgi ne rakkha

tawiz mein naqsh-e-boriya hai

gardish se mili mujhe saadat

har aabla baiza-e-huma hai

jhaDte hain phul munh se ai gul

baaton ka jhaD motiya hai