Dubne wala hi tha sahil baramad kar liya

Dūbne vaalā hī thā sāhil barāmad kar liyā

us ne bil-āḳhir hamārā dil barāmad kar liyā

vo badan kī bhiik dene par huā raazī to maiñ

apnī ḳhush-hālī meñ ik saa.il barāmad kar liyā

ham talāsh-e-haq meñ nikle aur sharminda hue

us ne ā.īne se bhī bātil barāmad kar liyā

ishq ke munkir the ham to ye jahāñ nāpaid thā

jab hue isbāt par maa.il barāmad kar liyā

aag ke dariyā meñ kar ke raqs jab ham thak ga.e

raakh ke ik Dher se sāhil barāmad kar liyā

kaun kahtā hai ki ham ma.asūm buzdil log haiñ

us ne to har ghar se ik qātil barāmad kar liyā

Dubne wala hi tha sahil baramad kar liya

us ne bil-aKHir hamara dil baramad kar liya

wo badan ki bhik dene par hua raazi to main

apni KHush-haali mein ek sail baramad kar liya

hum talash-e-haq mein nikle aur sharminda hue

us ne aaine se bhi baatil baramad kar liya

ishq ke munkir the hum to ye jahan napaid tha

jab hue isbaat par mail baramad kar liya

aag ke dariya mein kar ke raqs jab hum thak gae

rakh ke ek Dher se sahil baramad kar liya

kaun kahta hai ki hum masum buzdil log hain

us ne to har ghar se ek qatil baramad kar liya