Dubta saf nazar aaya kinara koi dost

Dūbtā saaf nazar aayā kināra koī dost

phir bhī kashtī se nahīñ ham ne utārā koī dost

jab bhī nekī kā koī kaam kiyā hai ham ne

de diyā rab ne hameñ aap se pyārā koī dost

jiit par ḳhush ho tujhe is se ġharaz kyā mire yaar

terī ḳhushiyoñ ke liye jaan se haarā koī dost

kaise jī pā.eñge is shahr-e-pareshāñ meñ jahāñ

koī dushman hai hamārā na hamārā koī dost

kuchh to jiine ke liye ham ko bhī de rabb-e-karīm

sāġhar-o-mīnā kisī ġham kā sahārā koī dost

ruuTh jaa.e mirī āñkhoñ se bhale bīnā.ī

kaash rūThe na 'vasī' aañkh kā taarā koī dost

Dubta saf nazar aaya kinara koi dost

phir bhi kashti se nahin hum ne utara koi dost

jab bhi neki ka koi kaam kiya hai hum ne

de diya rab ne hamein aap se pyara koi dost

jit par KHush ho tujhe is se gharaz kya mere yar

teri KHushiyon ke liye jaan se haara koi dost

kaise ji paenge is shahr-e-pareshan mein jahan

koi dushman hai hamara na hamara koi dost

kuchh to jine ke liye hum ko bhi de rabb-e-karim

saghar-o-mina kisi gham ka sahaara koi dost

ruTh jae meri aankhon se bhale binai

kash ruThe na 'wasi' aankh ka tara koi dost