Dubte dil ka ye manzar dekho

Dūbte dil kā ye manzar dekho

kitne bikhrāo haiñ andar dekho

aa.ina dekh ke jiine vaalo

daur-e-hāzir ke bhī tevar dekho

bujh ga.ī māthe kī ek ek shikan

ḳhālī hāthoñ kā muqaddar dekho

sang uThā.e hue phirte haiñ sanam

daur-e-rusvā.ī-e-āzar dekho

apnā hī aks digar dekhoge

apne andar se jo bāhar dekho

ham jahāñ ābla-pā chalte haiñ

tum bhī us raah pe chal kar dekho

pyaas dhartī kī bujhī hai na bujhe

pī ga.ī saat samundar dekho

ham nihattoñ pe 'sharar' TuuT paḌā

shomī-e-baḳht kā lashkar dekho

Dubte dil ka ye manzar dekho

kitne bikhrao hain andar dekho

aaina dekh ke jine walo

daur-e-hazir ke bhi tewar dekho

bujh gai mathe ki ek ek shikan

KHali hathon ka muqaddar dekho

sang uThae hue phirte hain sanam

daur-e-ruswai-e-azar dekho

apna hi aks digar dekhoge

apne andar se jo bahar dekho

hum jahan aabla-pa chalte hain

tum bhi us rah pe chal kar dekho

pyas dharti ki bujhi hai na bujhe

pi gai sat samundar dekho

hum nihatton pe 'sharar' TuT paDa

shomi-e-baKHt ka lashkar dekho