dur hongi na ye balaen kya

duur hoñgī na ye balā.eñ kyā

be-asar jā.eñgī davā.eñ kyā

ham ne kah to diyā ki zinda haiñ

is ke aage bhī kuchh batā.eñ kyā

ham to apnā vajūd haar ga.e

aur ab daañv par lagā.eñ kyā

kyā ye kah deñ ki ham bahut ḳhush haiñ

aap se jhuuT bol jaa.eñ kyā

us ke aage chalī hai kab kis kī

phir muqaddar ko āzmā.eñ kyā

haath ḳhālī the ab bhī ḳhālī haiñ

phir tire dar se lauT jaa.eñ kyā

aap kahte haiñ ham se ronā mat

aisī hālat pe muskurā.eñ kyā

dur hongi na ye balaen kya

be-asar jaengi dawaen kya

hum ne kah to diya ki zinda hain

is ke aage bhi kuchh bataen kya

hum to apna wajud haar gae

aur ab danw par lagaen kya

kya ye kah den ki hum bahut KHush hain

aap se jhuT bol jaen kya

us ke aage chali hai kab kis ki

phir muqaddar ko aazmaen kya

hath KHali the ab bhi KHali hain

phir tere dar se lauT jaen kya

aap kahte hain hum se rona mat

aisi haalat pe muskuraen kya