dur karne ko ye tanhai kahan se aai

duur karne ko ye tanhā.ī kahāñ se aa.ī

tū nahīñ hai to ye parchhā.ī kahāñ se aa.ī

aañkh rakh kar huā jaatā hai ḳhudā kā munkir

vo nahīñ hai to ye bīnā.ī kahāñ se aa.ī

sabz kohsār chaman-zār daraḳhtoñ kī qatār

jo zamīñ aap ko dikhlā.ī kahāñ se aa.ī

bām-o-dar dekh ke hairān hai āñkheñ merī

aisī dīvāroñ pe ye kaa.ī kahāñ se aa.ī

dekh kar ġharq huī jaatī hai saarī duniyā

terī āñkhoñ meñ ye gahrā.ī kahāñ se aa.ī

terī rā'nā.ī-e-qudrat pe ta'ajjub hai ḳhudā

in pahāḌoñ meñ ye ūñchā.ī kahāñ se aa.ī

tere sajdoñ pe to nāzāñ haiñ farishte saare

tujh meñ 'arpit' ye jabīñ-sā.ī kahāñ se aa.ī

dur karne ko ye tanhai kahan se aai

tu nahin hai to ye parchhai kahan se aai

aankh rakh kar hua jata hai KHuda ka munkir

wo nahin hai to ye binai kahan se aai

sabz kohsar chaman-zar daraKHton ki qatar

jo zamin aap ko dikhlai kahan se aai

baam-o-dar dekh ke hairan hai aankhen meri

aisi diwaron pe ye kai kahan se aai

dekh kar gharq hui jati hai sari duniya

teri aankhon mein ye gahrai kahan se aai

teri ra'nai-e-qudrat pe ta'ajjub hai KHuda

in pahaDon mein ye unchai kahan se aai

tere sajdon pe to nazan hain farishte sare

tujh mein 'arpit' ye jabin-sai kahan se aai