dur sahra mein jahan dhup shajar rakhti hai
duur sahrā meñ jahāñ dhuup shajar rakhtī hai
aañkh kyā shai hai kahāñ jā ke nazar rakhtī hai
aur kuchh roz abhī suur na phūñkā jaa.e
us ke darbār meñ duniyā abhī sar rakhtī hai
log manzil pe bahut ḳhush haiñ magar manzil bhī
lamha lamha pas-e-imkān-e-safar rakhtī hai
aao us shaḳhs kī rūdād suneñ ġhaur kareñ
surḳh-rūī bhī jise ḳhāk-basar rakhtī hai
ye zehānat jo virāsat kī atā hai 'shāhid'
koī dīvār uThātī hai to dar rakhtī hai
dur sahra mein jahan dhup shajar rakhti hai
aankh kya shai hai kahan ja ke nazar rakhti hai
aur kuchh roz abhi sur na phunka jae
us ke darbar mein duniya abhi sar rakhti hai
log manzil pe bahut KHush hain magar manzil bhi
lamha lamha pas-e-imkan-e-safar rakhti hai
aao us shaKHs ki rudad sunen ghaur karen
surKH-rui bhi jise KHak-basar rakhti hai
ye zehanat jo wirasat ki ata hai 'shahid'
koi diwar uThati hai to dar rakhti hai
- Book : Azkar (Pg. 171)
- Author : Amjad Hussain Hafiz Karnataki
- Publication : Karnataka Urdu Academy (issue:23 April,May,June-2013)
- Edition : issue:23 April,May,June-2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
