dur se bagh-e-jahan dikhla ke diwana kiya

duur se bāġh-e-jahāñ dikhlā ke dīvāna kiyā

muttasil jaane na paayā maiñ ki vīrāna kiyā

dekhte hī mai ko sāġhar kā na kheñchā intizār

maare jaldī ke maiñ apnā haath paimāna kiyā

Turfa-tar ye hai ki apnā bhī na jaanā aur yūñhī

apnā apnā kah ke mujh ko sab se begāna kiyā

kuchh bahak kar baat gar bolūñ to huuñ māzūr maiñ

mujh ko hastī ne tirī āñkhoñ kī mastāna kiyā

bevafā.ī ne ye kis kī tujh ko samjhāyā 'hasan'

in dinoñ kyuuñ tū ne kam us taraf jaanā kiyā

dur se bagh-e-jahan dikhla ke diwana kiya

muttasil jaane na paya main ki virana kiya

dekhte hi mai ko saghar ka na khencha intizar

mare jaldi ke main apna hath paimana kiya

Turfa-tar ye hai ki apna bhi na jaana aur yunhi

apna apna kah ke mujh ko sab se begana kiya

kuchh bahak kar baat gar bolun to hun mazur main

mujh ko hasti ne teri aankhon ki mastana kiya

bewafai ne ye kis ki tujh ko samjhaya 'hasan'

in dinon kyun tu ne kam us taraf jaana kiya