dur tak dasht mein ujala hai
duur tak dasht meñ ujālā hai
jaane kis qahr kā havāla hai
phir ugalne lagī hai aag zamīñ
phir koī qatl hone vaalā hai
shahr-e-ḳhush-baḳht kā makīñ huuñ magar
gird mere ġhamoñ kā haala hai
dil ne ġham kā alaav lafzoñ meñ
kis mahārat se aaj Dhālā hai
jurm sarzad huā thā aadam se
mujh ko jannat se kyuuñ nikālā hai
terī ik aarzū ne logoñ ko
kis qadar uljhanoñ meñ Daalā hai
ik sazā-yāfta-e-ishq ne aaj
mansab-e-ishq phir sambhālā hai
phir 'ḳhayāl'-e-sitam-zada meñ koī
ḳhushbū-añgez misl-e-lāla hai
dur tak dasht mein ujala hai
jaane kis qahr ka hawala hai
phir ugalne lagi hai aag zamin
phir koi qatl hone wala hai
shahr-e-KHush-baKHt ka makin hun magar
gird mere ghamon ka haala hai
dil ne gham ka alaw lafzon mein
kis mahaarat se aaj Dhaala hai
jurm sarzad hua tha aadam se
mujh ko jannat se kyun nikala hai
teri ek aarzu ne logon ko
kis qadar uljhanon mein Dala hai
ek saza-yafta-e-ishq ne aaj
mansab-e-ishq phir sambhaala hai
phir 'KHayal'-e-sitam-zada mein koi
KHushbu-angez misl-e-lala hai
- Book : Tujhe ky Maloom (Pg. 121)
- Author : Rafique Khayaal
- Publication : Alhamd Publications (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
