etibar-e-arzu ka karr-o-far jata raha

e'tibār-e-ārzū kā karr-o-far jaatā rahā

dil se irfān-e-mohabbat kā asar jaatā rahā

sham.a soz-e-ġham kā qissa raat bhar kahtī rahī

de ke parvāna payām-e-muḳhtasar jaatā rahā

ahd-e-rafta ko na dekhā lauT kar aate hue

e'tibār-e-gardish-e-shām-o-sahar jaatā rahā

ho sakegā phir na saiqal jauhar-e-kirdār-e-zīst

gar jahāñ se e'tibār-e-ḳhair-o-shar jaatā rahā

e'tibār-e-ārzū-e-muḳhtasar baaqī sahī

e'tibār-e-jazba-e-fikr-o-nazar jaatā rahā

mushkilāt-e-ishq kā uqda na phir bhī vā huā

nāma-bar aatā rahā aur nāma-bar jaatā rahā

fikr-e-besh-o-kam ke 'fāriġh' marhale tai ho ga.e

dil se ehsās-e-ġham naf-o-zarar jaatā rahā

e'tibar-e-arzu ka karr-o-far jata raha

dil se irfan-e-mohabbat ka asar jata raha

shama soz-e-gham ka qissa raat bhar kahti rahi

de ke parwana payam-e-muKHtasar jata raha

ahd-e-rafta ko na dekha lauT kar aate hue

e'tibar-e-gardish-e-sham-o-sahar jata raha

ho sakega phir na saiqal jauhar-e-kirdar-e-zist

gar jahan se e'tibar-e-KHair-o-shar jata raha

e'tibar-e-arzu-e-muKHtasar baqi sahi

e'tibar-e-jazba-e-fikr-o-nazar jata raha

mushkilat-e-ishq ka uqda na phir bhi wa hua

nama-bar aata raha aur nama-bar jata raha

fikr-e-besh-o-kam ke 'farigh' marhale tai ho gae

dil se ehsas-e-gham naf-o-zarar jata raha