etibar-e-umr-e-fani kuchh nahin

e'tibār-e-umr-e-fānī kuchh nahīñ

chaar din kī zindagānī kuchh nahīñ

vaqt-e-pīrī zindagānī kuchh nahīñ

zindagānī be-javānī kuchh nahīñ

āñsuoñ se kyā bujhe dil kī lagī

aag ke aage ye paanī kuchh nahīñ

sun ke vo afsāna-e-ulfat mirā

bole ye jhūTī kahānī kuchh nahīñ

us qafas meñ dī jagah sayyād ne

jis meñ haftoñ dāna-pānī kuchh nahīñ

be-baqā hai ālam-e-nā-pā.edār

kuchh nahīñ duniyā-e-fānī kuchh nahīñ

ḳhushk hai be-ashk kisht-e-ārzū

sūkhtā hai dhaan paanī kuchh nahīñ

jām-e-mai jab tak hai gardish meñ 'shahīr'

ḳhauf-e-daur-e-āsmānī kuchh nahīñ

e'tibar-e-umr-e-fani kuchh nahin

chaar din ki zindagani kuchh nahin

waqt-e-piri zindagani kuchh nahin

zindagani be-jawani kuchh nahin

aansuon se kya bujhe dil ki lagi

aag ke aage ye pani kuchh nahin

sun ke wo afsana-e-ulfat mera

bole ye jhuTi kahani kuchh nahin

us qafas mein di jagah sayyaad ne

jis mein hafton dana-pani kuchh nahin

be-baqa hai aalam-e-na-paedar

kuchh nahin duniya-e-fani kuchh nahin

KHushk hai be-ashk kisht-e-arzu

sukhta hai dhan pani kuchh nahin

jam-e-mai jab tak hai gardish mein 'shahir'

KHauf-e-daur-e-asmani kuchh nahin