kab yaad mein tera sath nahin kab hat mein tera hat nahin

kab yaad meñ terā saath nahīñ kab haat meñ terā haat nahīñ

sad-shukr ki apnī rātoñ meñ ab hijr kī koī raat nahīñ

mushkil haiñ agar hālāt vahāñ dil bech aa.eñ jaañ de aa.eñ

dil vaalo kūcha-e-jānāñ meñ kyā aise bhī hālāt nahīñ

jis dhaj se koī maqtal meñ gayā vo shaan salāmat rahtī hai

ye jaan to aanī jaanī hai is jaañ kī to koī baat nahīñ

maidān-e-vafā darbār nahīñ yaañ nām-o-nasab kī pūchh kahāñ

āshiq to kisī kā naam nahīñ kuchh ishq kisī kī zaat nahīñ

gar baazī ishq kī baazī hai jo chāho lagā do Dar kaisā

gar jiit ga.e to kyā kahnā haare bhī to baazī maat nahīñ

kab yaad mein tera sath nahin kab hat mein tera hat nahin

sad-shukr ki apni raaton mein ab hijr ki koi raat nahin

mushkil hain agar haalat wahan dil bech aaen jaan de aaen

dil walo kucha-e-jaanan mein kya aise bhi haalat nahin

jis dhaj se koi maqtal mein gaya wo shan salamat rahti hai

ye jaan to aani jaani hai is jaan ki to koi baat nahin

maidan-e-wafa darbar nahin yan nam-o-nasab ki puchh kahan

aashiq to kisi ka nam nahin kuchh ishq kisi ki zat nahin

gar bazi ishq ki bazi hai jo chaho laga do Dar kaisa

gar jit gae to kya kahna haare bhi to bazi mat nahin