wo kahan waqt ki moDenge inan aur taraf

vo kahāñ vaqt ki moḌeñge inaañ aur taraf

dil kisī aur taraf hai to zabāñ aur taraf

haiñ abhī ahl-e-havas sūd-o-ziyāñ ke hī asiir

pherte haiñ yūñhī bātoñ se gumāñ aur taraf

āh-e-sozāñ ko mirī dekh na dekhā hogā

ki havā aur taraf kī ho dhuāñ aur taraf

ruḳh rahā tā-ba-sahar aur hī jānib apnā

aur thā matla-e-anvār-fashāñ aur taraf

baiTh kar rū-ba-qazā ḳhush haiñ ki goyā ham ne

moḌ Daalī hai zamāne kī inaañ aur taraf

yuuñ palaT jaatī haiñ har lahza vo nazreñ jaise

joḌ kar tiir ko khiñchtī hai kamāñ aur taraf

chāhiye baaġh ko bas ek lahū kā chhīñTā

aan kī aan meñ jaatī hai ḳhizāñ aur taraf

wo kahan waqt ki moDenge inan aur taraf

dil kisi aur taraf hai to zaban aur taraf

hain abhi ahl-e-hawas sud-o-ziyan ke hi asir

pherte hain yunhi baaton se guman aur taraf

aah-e-sozan ko meri dekh na dekha hoga

ki hawa aur taraf ki ho dhuan aur taraf

ruKH raha ta-ba-sahar aur hi jaanib apna

aur tha matla-e-anwar-fashan aur taraf

baiTh kar ru-ba-qaza KHush hain ki goya hum ne

moD Dali hai zamane ki inan aur taraf

yun palaT jati hain har lahza wo nazren jaise

joD kar tir ko khinchti hai kaman aur taraf

chahiye bagh ko bas ek lahu ka chhinTa

aan ki aan mein jati hai KHizan aur taraf