ehsas bhare dil mein ek pyar ka sagar hai

ehsās bhare dil meñ ik pyaar kā sāgar hai

jo sab se chhupāyā thā vo tujh pe ujāgar hai

kahte haiñ sabhī mujh se tum dil meñ jagah de do

kaise maiñ unheñ de duuñ ye dil jo tirā ghar hai

ulfat kā ḳhazāna jo tū ne hī luTāyā thā

tū DhūñD zarā phir se tere hī vo andar hai

jo ġham se nahīñ pighlā vo dil hai bhalā kaise

jo pyaar ko na samjhe vo dil nahīñ patthar hai

jis ko thā kahā tū ne bāhoñ meñ chhupā lūñgā

vo terī 'sikhar' bhaTke kyoñ aaj yuuñ dar dar hai

ehsas bhare dil mein ek pyar ka sagar hai

jo sab se chhupaya tha wo tujh pe ujagar hai

kahte hain sabhi mujh se tum dil mein jagah de do

kaise main unhen de dun ye dil jo tera ghar hai

ulfat ka KHazana jo tu ne hi luTaya tha

tu DhunD zara phir se tere hi wo andar hai

jo gham se nahin pighla wo dil hai bhala kaise

jo pyar ko na samjhe wo dil nahin patthar hai

jis ko tha kaha tu ne bahon mein chhupa lunga

wo teri 'sikhar' bhaTke kyon aaj yun dar dar hai